Kreu i PD-së, Sali Berisha gjatë fjalimit të mbajtur në tubimin e sotëm është ndalur edhe tek kërcënimi i gazetarit Sokol Balla ndaj kreut të grupit parlamentar të PD-së, Gazment Bardhi se do të ketë fundin e Ervis Martinajt.
Berisha paralajmëroi Ramën se në qoftë se i prek qoftë edhe një fije floku Bardhit apo çdo deputetit, mbi tokë nuk do kesh. Lideri demokrat deklaroi se Rama ta harrojë se do i mbyllë gojën opozitës për trafiqet e tij dhe të vëllait të tij, Olsi Rama.
Berisha: Edi Rama ka lëshuar dje një kërcënim me jetë ose me burg me gojën e zëdhënësit të tij, Sokol Balla, për kryetarin e grupit parlamentar të PD, Gazment Bardhi. Në emër tuaj do i deklaroj këtu, se guxon dhe i prek një qime floku të Gazment Bardhit ose të çdo deputeti, vend mbi tokë nuk do kesh. Nuk të mbrojnë dot as tunelet e Dajtit, as shpellat e Malit me Gropa, kudo që të jesh do gjendesh dhe do të të bëhet gjyqi para shqiptarëve. Prandaj mos mendo ti se për krimet e Olsit dhe tuat, për trafiqet e tua dhe të Olsit, për vjedhjet tua familjare dhe të Olsit, do mund t’i mbyllësh gojën opozitës. Jo, kurrë, harroje! Harroje dhe njëherë. U them atyre mjeranëve të cilët nuk meritojnë as të quhen njerëz, mos u bëni zëdhënës të një kryekrimineli, të një kryehajduti që mbron krimet e tij, vëllait të tij, organizatës së tij kriminale qeveri, sepse do njësoheni me ta. Dhe ky është një turp i madh.
