Sot do të luhet dhe finalja e Superkupës në basketbollin për meshkuj mes Tiranës dhe Besëlidhjes.
Takimi ishte planifikuar të zhvillohej të hënën në mbrëmje, në Pallatin e Sportit “Asllan Rusi”, por u shty për shkak të protestës të zhvilluar dje.
Për këtë, Federata vendosi që kjo finale të luhet sot në Pallatin e Sportit “Apolonia” në Fier. Besëlidhja vjen me statusin e kampiones në sezonin e kaluar, ndërsa Tirana si fituese e Kupës.
Dy skuadrat u përballen dhe disa ditë më parë në finalen e Kupës së Federatës, ku në fund ishin kryeqytetasit që triumfuan pas kohës shtesë.
Bardheblutë janë rekordmen në këtë kompeticion pasi kanë fituar 8 herë Superkupën e Shqipërisë, ndërsa Besëlidhja kërkon ta fitojë trofeun për herë të parë.
Takimi do të nisë në orën 19:00.
