Besëlidhja ka fituar Superkupën e Shqipërisë pasi mposhti Tiranën në finale me rezultatin e thellë 100-57.
Në ndeshjen e luajtur në Fier, Besëlidhja dominoi në çdo periodë duke fituar konkretisht: 26:14, 24:12, 31:13 dhe 19:18.
Gjatë ndeshjes te Besëlidhja spikati Xhoshua me 18 pikë, teksa Tirana pati Endrit Hysenagollin që grumbulloi 17 pikë.
Marvin Prodani dhe Bernard patën nga 5 asistë te lezhjanët, teksa 2 ishin të Giseld Ndrecës, Strazimirit dhe Lilajt te kryeqytetasit.
Kujtojmë se Besëlidhja shkoi në këtë finale si fituese e kampionatit, ndërsa Tirana ia doli në kupë.
