Interi mposhti Torinon në ‘San Siro’ me rezultatin 3-2, sfidë e vlefshme për javën e 7-të të Serie A.
Heroi i zikaltërve ishte padyshim, Marcus Thuram i cili shkëlqeu duke shënuar tripletë personale.
Gjithçka nisi në mënyrën më të mirë për vendasit teksa mbrojtësi i Torinos, Maripan, u ndëshkua me karton të kuq që në minutën e 20’ dhe 5 minuta më vonë ishte francezi që zhbllokoi rezultatin.
Në të 35-tën, ai do të shënonte golin e dytë, ndërsa 1 minutë më vonë Duvan Zapanta do të rihapte përkohësisht llogaritë. E dyta sheshoi çdo shpresë të torinezët me Thuram që shënoi golin e 3-të të sfidës dhe të tijin personal duke marrë topin me vete në shtëpi.
Pak para fundit, Nikola Vlasic do të rikthente shpresën e Torinos me një penallti të shënuar, por që do të vlente vetëm për statistika pasi përfundimi i sfidës nuk ndryshoi.
