Një aksident me vdekje është regjistruar mëngjesin e kësaj të premte në autostradën Thumanë-Tiranë. Ngjarja ka ndodhur rreth orës 07:10, në vendin e quajtur “Ura e Gjolës”.
Sipas autorieteve policore, mjeti tip “Volkswagen” me drejtues shtetasin L. F., rreth 60 vjeç, është përplasur me mjetin tip “Audi”, me drejtues shtetasin I. P. Si pasojë e aksidentit ka humbur jetën në spital shoferi i mjetit “Volkswagen”, pasi nuk iu ka mbijetuar dot plagëve të marra.
Grupi hetimor po punon për sqarimin e rrethanave të aksidentit.
