Partia Demokratike ka njoftuar se ditën e sotme ka thirrur në një takim aleatët e saj politik, për të zhvilluar një mbledhje të Federatës së Opozitës.
Mësohet se takimi do të mbahet në orën 12:00 në sallën “Pjetër Arbnori” në selinë blu. Në fokus të diskutimeve do të jetë protesta kombëtare e thirrur më 7 tetor si dhe se si do të vijojë aksioni opozitar më tej, deri në zgjedhjet parlamentare të Majit të vitit 2025.
PD ka thirrur një protestë kombëtare më 7 Tetor, në orën 18:00, e cila nuk do të jetë si të tjerat para godinës së Kryeministrisë, por do të bllokohen rrugët kryesore në vend.
Gjithashtu, PD ka radikalizuar edhe aksionin e saj në Kuvend, për mos lejimin e zhvillimit të seancave plenare. Këto vendime janë marrë pas burgosjes së deputetit Ervin Salianji, duke e konsideruar dënimin si një hakmarrje politike të Edi Ramës dhe Fatmir Xhafajt.
