Drejtuesi politik i Qarkut Korçë për PD, Ivi Kaso në një intervistë në Ora News u shpreh se përballja e opozitës nis që sot në parlament dhe se Berisha e Salianji janë të burgosur politik.
Kaso: “Për shkak të një vendimi politik të kryesisë së PD-së, të ratifikuar në mbledhjen e djeshme të këshillit kombëtar që është organi më i lartë drejtues i partisë midis dy kuvendeve, PD ka thirrur një tubim të madh në datën 7 tetor në orën 18:00 pasdite përpara kryeministrisë.
Tubimi i cili më pas do të përhapet dhe do zhvillohet në të gjitha rrugët e Tiranës.
Aksioni i grupit parlamentar, aksioni i sotëm pasi ishte planifikuar që të mbahej mbledhja e Kuvendit, pra seanca plenare sot në orën 17:00 sigurisht do ti japi tonin pra veprimi i grupit parlamentar ose përballja që do fillojë që sot në sallën e parlamentit.
Kësaj radhe ka edhe një arsye më shumë siç është ajo e burgosjes politike të nën kryetarit të grupit parlamentar, deputeti Ervin Salianji i cili sot së bashku me liderin e opozitës Sali Berisha janë dy të burgosurit politikë.
Besoj se motivet e protestës janë të qarta dhe të ditura për qytetarët.
Lëvizja e fundit armiqësore ndaj opozitës, që ishte qartazi një lëvizje armiqësore ndaj opozitës vetëm se ka përshpejtuar vënien në kalendar të kësaj natyre përballjeje, pra të protestës masive”
