Lecce është mposhtur nga Sassuolo në sfidën e vlefshme për javën e 1/16-të të Kupës së Italisë, duke u eliminuar nga ky kompeticion. Sfida përfundoi 0-2 në favor të Sassuolos.
Si fillim ishte Muharemovic që kaloi të tijët në avantazh në minutën e 13-të. Ndërkohë, golin e dytë për Sassuolon e shënoi D’Andrea në minutën e 79-të të sfidës, duke lëshuar ‘knock-out’ Leçen.
Përsa i përket Ylber Ramadanit, mesfushori i Kombëtares shqiptare ishte në stol përgjatë 90 minutave të kësaj ndeshje. Ofendimet me trajnerin në sfidën e fundit të Leçes përballë Parmës, kanë bërë që ai të mos preferohet pjesë e sfidës.
Gjithashtu, në këtë ndeshje ishte një tjetër shqiptar që debutoi me fanellën e Leçes. Luis Hasa u aktivizua në minutën e 80-të të sfidës. Në krahun tjetër, Medon Berisha do të mungojë për një kohë të gjatë për arsye dëmtimi.
