Avokati, Arbër Hoxha u shpreh se krijimi i një ‘shteti Bektashi’ brenda territorit të Shqipërisë është në kundërshtim me Kushtetutën.
Gjithashtu Hoxha tha se në rast se realizohet ideja e Ramës, Kushtetuta e ndalon absolutisht krijimin e një shteti qoftë me natyrë fetare.
“Jo vetëm që e ndalon Kushtetuta por krijimi i një shteti me natyrë fetare do të cënonte rëndë edhe laititetin e shtetit dhe gjithashtu do ti jepte një lloj avantazhi fesë Bektashie në raport me fetë e tjera. Në këto kushte Kushtetuta e Republikës së Shqipërisë e ndalon absolutisht krijimin e një shteti qoftë me natyrë fetare, dhe jo vetëm brenda territorit të Republikës së Shqipërisë.
Në këto kushte krijimi i çdo lloj institucioni apo entiteti apo aq më tepër një shteti Sovran brenda territorit Shqiptar praktikisht është i pamundur. Ligjërisht aq më tepër dhe vjen në kundërshtim me Kushtetutën”, tha Hoxha në një intervistë në Ora News.
