Portieri Marc-Andre ter Stegen mbrëmë pësoi një dëmtim serioz në gjurin e tij të djathtë, ndërsa ditën e sotme iu nënshtrua operacionit.
Gjermani do të mungojë për rreth 7-8 muaj duke mbyllur kështu sezonin, ndërsa Barcelona menjëherë është hedhur në sulm për të gjetur zëvendësuesin e 32-vjeçarit.
“Mundo Deportivo” ka publikuar disa alternativa për portën e “blaugranasve”, mes të cilëve është edhe Etrit Berisha.
“Berisha ka një karrierë të gjatë në Serie A dhe një vend të padiskutueshëm në kombëtaren shqiptare”, shkruan e përditshmja katalanase.
Në listë janë edhe emra të tjerë: Loris Karius, Keylor Navas, Jordi Masip, Edgar Badia, Jiri Pavlenka, Tomas Koubek, Alexandre Letellier dhe Kostas Lamprou.
Berisha është aktualisht një lojtarë i lirë pas largimit në verë nga Empoli, ndërsa e ardhmja e 35-vjeçarit mbetet në dyshim.
