Një ngjarje e rëndë ka ndodhur në Londër, ku si pasojë ka humbur jetën një 15-vjeçar. Siç raportohet adoleshenti është qëlluar me thikë. Policia Metropolitane tha se djali u gjet i plagosur, pasi policia mori një lajmërim për një sulm në një zonë të banuar.
Një dëshmitar okular tha se dëgjoi adoleshentin duke thënë mos më lër të vdes, ndërsa ai ishte shtrirë i plagosur në tokë. Nuk janë dhënë më shumë detaje për ngjarjen, por vdekja e të riut vjen pas shqetësimit të shtuar për numrin e krimeve me thika dhe numrin e të rinjve që mbajnë thika.
Një total prej 50,510 krimesh me thikë u regjistruan nga policia në Angli dhe Uells në 12 muajt deri në mars, një rritje prej 4% në krahasim me vitin e kaluar.
