Lëvizja Bashkë dhe pensionistët protestuar gjatë pasditës së sotme para Ministrisë së Ekonomisë, Kulturës dhe Inovacionit, në lidhje me indeksimin e ri të pensioneve nga qeveria dhe trajtimin e kësaj shtrese, duke e quajtur qesharak.
Përfaqësues të Lëvizjes Bashkë theksuan se kjo shtresë e shoqërisë është lënë në mëshirë të fatit, ndërsa rritjen e konsideruan qesharake.
“11 lekë deri në 24 lekë në ditë, është rritja për shumicën dërrmuese të pensionistëve, të cilët ende sot marrin pensione shumë më të ulëta se Minimumi Jetik.
Qeveria për veten e saj i bëri rrogat mbi 3 milionë lekë, kurse për pensionistët hedh vetëm ndonjë qindarkë elektorale. “Sulltani i Surrelit” po u hedh nga një kockë nga mishrat që hanë ministrat e tij, të cilëve ua bëri rrogat mbi 3 mln lekë.
Ai tregoi se i urren pensionistët, po sillet si diktator, se ndryshe nga ne, për të burgosurit kriminelë shpenzon 900 euro”, u tha në protestë.
