Ish-zëvendësministri i Shëndetësisë, Klodjan Rrjepaj, pas lejës nga SPAK, ka lënë ditën e sotme qelinë e burgut dhe ka mbërritur në Kryesinë e Kuvendit për të dëshmuar në komisionin hetimor për koncesionet në shëndetësi.
Siç shihet edhe në foton e mësipërme, Rrjepaj është me pranga në duar dhe shoqërohet nga forca të shuma të Policisë së Burgjeve.
Klodjan Rrjepaj do të merret në pyetje nga deputetët e opozitës dhe mazhorancës në lidhje me koncesionin e sterilizimit, e cila është edhe afera që e ka vënë në pranga, duke u akuzuar për “shpërdorim detyre”. Kjo është hera e parë që një i paraburgosur merret në pyetje nga deputetët.
“Kam ardhur këtu me avokatin tim, Dritan Amitaj”, tha Rjepaj në Komision.
Po ashtu, ditën e sotme do të merren në pyetje edhe dy prej anëtarëve të komisionit që shpalli fituesin e koncesionit, Marsela Serjani dhe Petro Mersini. Të dy janë në masë detyrim paraqitjeje, por edhe për ta SPAK ka dhënë leje që të pyeten nga Komisioni.
Ndërkohë, më 3 tetor është parashikuar që të merret në pyetje edhe ish-ministrit të Shëndetësisë Ilir Beqaj, i cili po ashtu ndodhet në burg, ndërsa pritet të dëshmojë edhe biznesmeni Ilir Rrapaj.
