Barazimi me Manchester City-n në Champions League ka pozicionuar Interin si një nga skuadrat pretendente për të fituar trofeun.
Ndaj anglezëve ishte një ritakim pas finales së zhvilluar në vitin 2023, në të cilën italianët pësuan disfatë minimale 1-0.
Për këtë temë dha mendimin e tij së fundmi presidenti i zikaltërve, Beppe Marotta i cili theksoi se Interi i ka mundësitë për t’i shkuar sërish deri në fund kompeticionit.
“A e kam parë përsëri finalen e Stambollit? Jo, mendoj se është pjesë e së kaluarës. Ne morëm mësimet e duhura nga ajo humbje. Merkatoja duhet të shkojë paralelisht me fillimin e kampionatit.
Shpresoj që nga viti i ardhshëm mbyllja e merkatos të përkojë me fillimin e kampionatit. Kjo do të largonte shqetësimet e shkaktuara për klubet individuale.
Në krahasim me finalen e Stambollit jemi një skuadër shumë më e pjekur. Nëse në kokën time qëndron ideja se mund ta fitojmë Champions League? Po, sigurisht” – tha ai.
