Juristi Jordan Daci thotë se çështja e mandatit të Olta Xhaçkës mund të zgjidhet vetëm nga Gjykata Kushtetuese dhe jo nga Komisioni i Venecias, të cilit i është drejtuar PS. Në emisionin “Real Story”, ai tha se gjykata mund ta zgjidhë këtë si një konflikt kushtetuese.
Ndërkohë, avokati Sokol Hazizaj tha se dërgimi i çështjes në ‘Venecia’ është një vendimmarrje politike por shtoi se ky komision nuk ka fuqi për ta detyruar Kuvendin të vendosë për këtë.
“Parimi bazë i një kushtetute është funksionaliteti. Çdo lloj mënyre të të kuptuarit të rregullave nëse do të na çonte në një bllokim, nuk është i pranueshëm. Ne jemi para momentit ku paragrafi i 4 i një neni kushtetues nuk zbatohet. Atëherë kush mund të ishte një dalje nga ngërçi, interpretimi i atij neni është ekskluzivitet i Gjykatës Kushtetuese, por kur GJK nuk vihet në lëvizje, mendoj se kur kemi një konflikt kushtetueses midis pakicës dhe shumicës, çështja mund të trajtohet dhe të zgjidhet në kuadrin e një konflikti kushtetues që do të thotë se përderisa komisioni i mandateve miratoi raportet, automatikisht mundet që kjo 1/10 që është, mund ta bëjë objekt kushtetues dhe tashmë GJK ka një raport. Më përpara nuk kishte raport, as vetë kërkesa e 1/10 nuk ishte. Prandaj GJK nuk u mor me zgjidhjen në thelb. Është e padiskutueshme që këtë vetëm GJK jonë e zgjidh. Asnjë komision i Venecias nuk e zgjidh. Mund të ishte një zgjidhje nëpërmjet një interpretimi dhe çdo lloj interpretimi që bën GJK i zgjeruar pa krijuar normë të re. Dhe në pajtim me parimin e ndarjes së pushteteve, me të vërtetë politikë por janë të ndara. GJK është i vetmi organ, vendimet e saj janë të detyrueshme. E zëmë që është gabim, dhe thelbi është që kjo 1/10 ta paraqesë çështjen përsëri në GJK, duke mos u kursyer në formulime, mundet që edhe GJK t’i japë drejtim sepse miraton dhe nuk thotë vendos. Çështja se s’bën duhet t’i kalojë, por kur s’i kalon është konflikt kushtetues. Nëse GJk e zgjidh në kuadër të një konflikti kushtetues mund t’i japë zgjidhje”, tha Daci
