Gazheli injoron KLSH/ Nuk zbaton asnjë nga 35 masat për doganierët e kapur në shkelje

Nga Boldnews.al

Në nëntor të vitit 2023, Kontrolli i Lartë i Shtetit konstatoi se Drejtori i Përgjithshëm i Doganave, Gent Gazheli, kishte injoruar rekomandimet për aplikimin e masave disiplinore për të paktën 35 zyrtarë të niveleve të ndryshme të institucionit.

Në atë raport auditimi, KLSH theksonte ndër të tjera se “Drejtori i Përgjithshëm i Doganave, G.G (Gent Gazheli) është përgjegjës për mos-zbatimin e masave administrative dhe disiplinore”. duke i rikujtuar Gazhelit përgjegjësinë e tij institucionale.

Megjithatë, edhe kjo ri-kujtesë e bërë në nëtor 2023, duket se nuk e ka vënë aspak në lëvizje kreun e Doganave.

Në Raportin Përfundimtar të Audimit në Drejtorinë e Përgjithshme të Doganave-Pjesa 2”, publikuar në vitin 2024, KSH thekson sërish se “Veprimet dhe mosveprimet e mësipërme janë përgjegjësi e: Z.G.G me detyrë Drejtor i Përgjithshëm i Doganave, në cilësinë e titullarit të institucionit si person përgjegjës për monitorimin e realizimit të rekomandimeve të Kontrollit të Lartë të Shtetit…”.

Shkeljet në Dogana

Kontrolli i Lartë i Shtetit ka rekomanduar masa disiplinore për të paktën 35 zyrtarë, përfshirë drejtues të lartë dhe punonjës të Drejtorisë së Përgjithshme të Doganave, pas identifikimit të një serie të gjatë shkeljesh në ushtrimin e detyrës, të cilat kanë sjellë, ndër të tjera, mbledhjen e stokut të borxhit doganor në një shifër rreth 46 miliardë lekë të reja.

Për audituesit e KLSH-së, përgjegjësi kryesor është Drejtori i Përgjithshëm i Doganave, Gent Gazheli, i cili nuk ka marrë masat e duhura për të organizuar punën dhe për të vendosur në efektivitet drejtorët, përgjegjësit e sektorit dhe specialistë të tjerë të mbledhjes së borxhit, si edhe të përllogaritjes së aksizës për subjekte të ndryshme.

Në raportin e Kontrollit të Lartë të Shtetit emrat e zyrtarëve jepen me iniciale, megjithatë, nga pozicioni i tyre kuptohet qartësisht se bëhet fjalë për thuajse të gjithë zinxhirin drejtues të Doganave Shqiptare.

Në përfundim të auditit “Mbi përputhshmërinë e veprimtarisë së Drejtorisë së Përgjithshme të Doganave”, të hartuar në Shtator të vitit 2023 dhe të publikuar fillimisht në nëtor 2023, KLSH ka rekomanduar masat si vijon:

“Mbajtja deri në 1/3 e pagës së plotë për një periudhë deri në gjashtë muaj

Për znj. V.N., me detyrë Drejtore në Drejtorinë Juridike;

Për znj. L.B., me detyrë Përgjegjëse e Sektorit të Ankimimeve në Drejtorinë Juridike

Për z. J.Ç , me detyrë Përgjegjës Turni, pranë Sektorit të Vlerës në Qendër

“Pezullim nga e drejta e ngritjes në detyrë përfshirë rritjen në shkallën e pagës për një periudhë deri në dy vjet”

Për znj. A.G., me detyrë specialist në Sektorin e Ankimimeve në Drejtorinë Juridike;

Për znj. I.B., me detyrë specialist në Sektorin e Ankimimeve në Drejtorinë Juridike;

Për z. B.Gj., me detyrë specialist në Sektorin e Ankimimeve në Drejtorinë Juridike

Për znj. V.D., me detyrë specialist në Sektorin e Legjislacionit në Drejtorinë;

Për znj. A.G., me detyrë specialist në Sektorin e Legjislacionit në Drejtorinë Juridike;

Për znj. M.Z., me detyrë specialist në Sektorin e Legjislacionit në Drejtorinë Juridike.

Për znj. M.J., me detyrë specialiste pranë Sektorit të Produkteve të Cigareve dhe Pijeve Alkolike;

Për znj. A.ZH, me detyrë specialiste pranë Sektorit të Produkteve të Cigareve dhe Pijeve Alkolike:

“Gjobë që nuk kalon pagën e 5 (pesë) ditëve të punës së punëmarrësit”:

Për z. A.S., me detyrë Drejtor i Drejtorisë së Hetimit;

Për z. E.C., me detyrë Përgjegjës sektori i Sektorit të Koordinimit për Mashtrimet Fiskale i

Drejtorisë së Hetimit;

Për z. K.M., me detyrë Hetues i Drejtorisë së Hetimit

Për z. A.RR., me detyrë doganier pikë kontrolli i Drejtorisë së Antikontrabandës;

Për z. D.P., me detyrë inspektor i Drejtorisë së Antikontrabandës;

Për z. E.Gj., me detyrë doganier i Drejtorisë së Antikontrabandës;

Për z. E.K., me detyrë inspektor i Drejtorisë së Antikontrabandës;

1. I.H., me detyrë inspektor i Drejtorisë së Antikontrabandës;
2. L.M., me detyrë komandant grupi i Drejtorisë së Antikontrabandës

“Vërejtje me shkrim”:

Për z. G.T., me detyrë Hetues i Drejtorisë së Hetimit;

1. H.P., me detyrë Hetues i Drejtorisë së Hetimit;
2. K.M., me detyrë Hetues i Drejtorisë së Hetimit;
3. M.B., me detyrë Hetues i Drejtorisë së Hetimit;

Znj. A.S., me detyrë inspektor i Drejtorisë së Antikontrabandës;

1. B. K., me detyrë doganier fizik;
2. B. Z., me detyrë inspektor i Drejtorisë së Antikontrabandës
3. E.K., me detyrë komandant grupi i Drejtorisë së Antikontrabandës;

Z.E.M., me detyrë komandant grupi i Drejtorisë së Antikontrabandës;

Z.F.O., me detyrë komandant grupi i Drejtorisë së Antikontrabandës

Z.F. R., me detyrë komandant grupi i Drejtorisë së Antikontrabandës

Znj. I.M., me detyrë komandant grupi i Drejtorisë së Antikontrabandës;

1. J.G., me detyrë komandant grupi i Drejtorisë së Antikontrabandës;
2. R.V., me detyrë inspektor i Drejtorisë së Antikontrabandës;
3. Y. S., me detyrë doganier pikë kontrolli