Për herë të dytë ish-kryeministri Sali Berisha paraqitet sot në SPAK për t’u njohur me akuzat që lidhen me dosjen Partizani.
Ndërkohë që kreu i PD pritet të mbërrijë forca të shumta policie kanë rrethuar Prokurorinë e Posaçme. Ndërkohë, demokratët janë mobilizuar sot të mblidhen para godinës së Prokurorisë së Posaçme, në shenjë proteste për atë që Sali Berisha e ka quajtur shpesh herë si “arrestim politik”.
Menjëherë sapo mori fletëthirrjen, ish-kryeministri mobilizoi demokratët për të protestuar përballë SPAK-ut.
“Të dashur miq. Ditën e Mërkurë ne ora 12:00 kryetari i PD Prof. Dr .Sali Berisha do shkojë pranë organizatës kriminale të SKAP. Te mobilizohemi të gjithë maksimalisht për protestë të fuqishme solidariteti me të drejtën, me të vërtetën, kundër narko drejtësisë. Faleminderit”, thuhet në mesazhin dërguar strukturave.
Pamjet nga SPAK-u:
Berisha akuzohet nga SPAK për kryerjen e veprës penale “Korrupsioni pasiv i funksionarëve të larte shteterore ose te zgjedhurve vendore, kryer në bashkëpunim. Ish-kryeministri i ka konsideruar akuzat ndaj tij dhe dhëndrit të tij Jamarbër Malltezi, si sulm politik, pasi sipas tij, nuk ka asnjë fakt dhe dokument që të ngrihen dyshimet mbi akuzat.
Kujtojmë që Berisha prej 30 dhjetorit të vitit të kaluar ndodhet në arrest shtëpie. Më 21 tetor 2023, ndaj tij u caktua masa detyrim paraqitje, ndërsa Jamarbër Malltezi arrest në burg. Ndërsa më 21 nëntor Malltezi u lirua nga burgu dhe ndaj tij u caktua masa arrest në shtëpi.
Dy prokurorët e çështjes janë Arben Kraja dhe Enkeleda Minollai. Privatizimi i ish-kompleksit Partizani filloi në vitin 2008 dhe përfundoi në katër vite më vonë, në vitin 2012.
Lexo edhe:
“Partizani”/ SPAK do t’i komunikojë akuzat Berishës dhe Malltezit, çfarë pritet të ndodhë sot?!
