Dy shqiptarë të cilët janë kapëur në një fermë kanabisi në Angli, janë dënur respektivisht me 11 dhe 13 muaj burgim nga drejtësia britanike.
Atyre iu gjet 10 kg kanabis me vlerë deri në 50,000 paund që ishin ngarkuar në një furgon. Mediat vendase raportojnë se të dënuarit janë Anduen Spahiu, 20 vjeç dhe Reols Havalja, 26 vjeç.
Ata janë zbuluar duke u kujdesur për një “shtëpi bari” në Bedwas, Caerphilly, më 31 janar. Oficerët kishin marrë fillimisht raportime për një burrë duke hequr një sasi kanabisi nga një shtëpi.
Spahiu dhe Havalja, të dy pa vendbanim fiks, u deklaruan fajtorë për prodhimin dhe posedimin e kanabisit me qëllim furnizimin me kanabis. Gjykata dëgjoi se Havalja kishte hyrë ilegalisht në Mbretërinë e Bashkuar pasi kishte udhëtuar nga Shqipëria.
Spahiu kishte mbërritur gjithashtu ilegalisht në Mbretërinë e Bashkuar dhe pretendonte se po punonte për të shlyer borxhin e tij për ata që organizuan transportin e tij në vend.
