Shiqipëria do të nisë për të tretën herë, rrugëtimin në Ligën e Kombeve, ku ashtu si në edicionin e kaluar janë pjesë e Ligës B.
Kombëtarja pozicionohet në grupin 1, së bashku me Republikën Çeke, Gjeorgjinë e Ukrainën. Kuqezinjtë do të përballen nesër në mbrëmje ndaj këtyre të fundit me ndeshjen e cila të do të zhvillohet në Pragë.
Pak më shumë se 24 orë nga ndeshja është zhvilluar edhe konferenca zyrtare për shtyp, ku së bashku me teknikun Sylvinho ishte edhe Ylber Ramadani.
Mbrojtësi fillimisht foli për vështirësinë e sfidës ndaj ukrainasve e më taj u ndal te forca dhe harmonia e grupit, ku ashtu si në kualifikueset e Evropianit shpresojnë që të dalin në vendin e parë të grupit B1.
“Atmosfera e ekipit është fantastike, jemi shumë të përqëndruar. Nesër na pret një ndeshje shumë e vështirë. Atmosfera e grupit është e mirë. Jemi gati, e kemi studiuar Ukrainën, e dimë pikën e fortë. Shpresoj që nesër të marrim rezultat pozitiv.
Ne kur jemi në ekip jemi profesionist. Gjithmonë përqëndrohemi maksimalisht që të japim maksimumin. Jemi të përqëndruar për të bërë një ndeshje shumë të mirë.
Ne jemi stërvitur shumë mirë gjatë javës, e dimë ccfarë kundërshtari na pret nesër. Jemi të përqëndruar për të dhënë maksimumin dhe për të marrë rezultat pozitiv.
Medonin e shikoj çdo ditë në stërvitje, punon shumë, është profesionist. Është lojtar i ri për të ardhmen, është shumë gati për të dhënë maskimumin e tij.
Lojtarët e rinj janë përshtatur mirë, janë duke bërë mirë në stërvitje si gjithë ne. Unë e kam parë që na kanë nxjerrë më pak të kuotuorit. Forca jonë është grupi, jemi ekip cilësor, do të bëjmë gjithçka për të arritur në krye të grupit.
Nuk e di a do të jem kapiten, e di trajneri. Edhe nëse do të jem do të ishte kënaqësi e madhe dhe do e mbaja me shumë ndër shiritin.
Në Europian luajtëm me kundërshtarët më të fortë. Ishte një nivel shumë i lartë. Kemi fituar më shumë eksperiencë. E dimë si mund të luajmë së bashku. Kjo do të na shërbejë për kualifikueset e Ligës së Kombeve dhe Botërorit.
Unë nuk kam preferenca. Kushdo të luajë me mua nuk e kam problem. Përshtatem me të gjithë. Unë ndihem mirë me të gjithë.
Europiani ishte një kompeticion i vështirë për ne, kishte ekipe të forta. Niveli i përqendrimit tonë në grup ishte i lartë. Ne jemi të përgatitur , kemi më shumë eksperiencë. Nesër do të tregojmë lojën tonë dhe tregojmë që jemi një ekip i mirë”, u shpreh Ramadani.
