Drejtori i Komunikimit në PD, Alfred Lela i cili ishte i ftuar këtë të enjte në “Now me Erla Mëhillin” në Euronews Albania tha se protestat e opozitës do të vijojnë dhe se ato pritet të nisin që në shtator.
Sipas Lelës misioni do të jetë i njëjtë, opozita do të kërkojë krijimin e qeverisë teknike dhe lirimin e Sali Berishës, i cili mbahet në arrest shtëpie që prej 30 dhjetorit 2023.
“Mosbindja civile dhe qeveria teknike janë prej muajsh kryefjalë e partisë Demokratike. Shtatori është stacioni për ta rifilluar aty ku e lamë. Natyrisht me një temë dhe gatishmëri tjetër. Do ketë sërish protesta. Misioni është qeveria teknike dhe lirimi i liderit të opozitës. Protestat bëhen si shenjë e oponencës me ato që ndodhin në vend”,-tha Lela.
