Koordinatori për Programin Ekonomik në PD, Dorjan Teliti, me anë të një statusi në Facebook, shkruan se tashmë kemi edhe një krizë të plehrave që nuk mblidhen nga monopoli bashkiak EcoTirana, duke u kthyer në një “bombë me sahat” sëmundjesh për banorët e Tiranës.
Teliti ka postuar disa pamje nga kryeqyteti i mbushur përplot me plehra dhe shkruan se sot Tirana është më e papastër se kurrë më parë.
Postimi i plotë:
Sikur të mos mjaftonte ajri i ndotur 18 herë më i lartë se normat e lejuara, tashmë kemi edhe një krizë të plehrave që nuk mblidhen nga monopoli bashkiak EcoTirana, duke u kthyer në një “bombë me sahat” sëmundjesh për banorët e Tiranës.
Fakt: 20 milionë euro fondi 2024 përpastrimin e Tiranës…por sot Tirana është më e papastër se kurrë më parë.
Cfarë po ndodh? Pse Tirana po mbytet nga plehrat? Pse nuk pastrohet Tirana? Ku shkojnë milionat e eurove që paguajmë?
A i shikon këto kosha plot e përplot kryebashkiaku spiderman kur del “në aksion” nga tarracat e pallateve?
Shikoni këto pamje të plehrave që prej ditësh nuk mblidhen në njësinë 7 të Kryeqytetit, të koshave të mbushur e që nuk zbrasen nga monopoli bashkiak i EcoTirana.
