Jonatan Pano i cili ishte pjesë e protestës kundër vjedhjeve që kanë ndodhur në bashkinë e Tiranës është shprehur se shkollat nuk janë gati për fillimin e vitit të ri akademik.
Pano është shprehur se paratë e mbledhura nga taksa e arsimit kanë shkuar te inceneratorët.
“Më pak se tre javë na ndajnë nga fillimi i viti të ri akademik, për të gjithë studentët e nivelit parauniversitar. Pyetja ime është se a janë gati shkollat për të pritur studentët, unë them jo.
Taksa e përkohshme e infrastrukturës arsimore që duhet të kishte përfunduar në vitin 2019 po shkon për inceneratorët dhe vjedhjet e parave publike pasi vetëm për shkollat nuk shkojnë. Kemi kërkuar informacion se ku kanë shkuar 55 milionë euro nga kjo taksë.
Të gjitha lekët që këto marrin ata i dërgojnë në vende të tjera dhe nuk shkojnë për të investuar në kryeqytet, e kemi thënë që ne nuk do të dorëzohemi dhe nuk do të tërhiqemi përballë hajdutëve.”, tha Pano.
