Një i shpallur në kërkim ndërkombëtar nga drejtësia italiane është ekstraduar këtë të mërkurë nga Abu Dhabi drejt vendit tonë.
Bëhet fjal për shtetasin me tre identitete Arjan Malko, alias Erjon Malko, alias Erjon Fejzulla. Ky shtetasi është ekstraduar nga Abu Dhabi në kuadër të operacionit të koduar “Para drejtësisë”, të realizuar nga strukturat e specializuara dhe Forca e Posaçme Operacionale në Departamentin e Policisë Kriminale.
Arjan Malko, alias Erjon Malko, alias Erjon Fejzulla akuzohet nga drejtësia italiane për kryerjen e veprës penale “Trafikim i lëndëve narkotike”, kryer në bashkëpunim.
“Ky person është shpallur në kërkim ndërkombëtar nga Interpol Roma, pasi Gjykata e Hetimeve të Torinos, Itali ka lëshuar për këtë shtetas masën e sigurisë personale urdhër “Arrest në burg” më dt.11.04.2024, për veprën penale “Trafikim i lëndëve narkotike”, kryer në bashkëpunim, parashikuar nga legjislacioni penal italian, i cili parashikon maksimumin e dënimit me 20 vjet.” – thuhet në njpoftimin e Policisë së Shtetit, teksa ka publikuar edhe pamjet e mbërritjes së tij në aeroportin e Rinasit.
