Një aksident i rëndë ka ndodhur mesditën e së hënës në qytetin e Laçit.
Siç bën të ditur policia, shoferi me inicialet S. K, ka përplasur për vdekje 72-vjeçaren me inicialet M. Gj.
Policia ka shoqëruar 24-vjeçarin në Komisariatin e Policisë Kurbin, për veprime të mëtejshme procedurale.
“Rreth orës 12:20, në Laç, automjeti me drejtues shtetasin S. K., 24 vjeç, ka përplasur këmbësoren, shtetasen M. Gj., 72 vjeçe, e cila si pasojë ka humbur jetën. Policia ka shoqëruar në Komisariatin e Policisë Kurbin, 24-vjeçarin, për veprime të mëtejshme procedurale. Ndërkaq, grupi hetimor ndodhet në vendngjarje dhe po punon për zbardhjen e shkakut të aksidentit”, njofton policia.
