Anëtarja e Këshillit Bashkiak të Tiranës nga Lëvizja Bashkë, Mirela Ruko, akuzon për dhënien e tokës publike në kryeqytet për persona dhe kompani të favorizuara nga Bashkia e drejtuar nga Erion Veliaj
E ftuar në MCN, Ruko foli rreth përfitmit të pronave publike në Bulevardin e Ri nga kompania “StarTek” të Lulzim Mehmetaj dhe konfliktin e interesit që ka me bashkëshorten dhe ortakon gaztor Gazmend Paja.
Ajo tha se mbledhja e fundit e Këshillit Bashkiak që u miratuan vendimet nuk ishte mbledhje normale dhe nuk pati as diskutim, por u ngritën kartonat pa pasur transparencë dhe diskutim.
“Kur pashë një relacion për një kompani, pashë që ishte një kompani që kishte të bënte me një investim të sajin në Dhërmi që është investitor strategjik, në bashkëpunim me anëtarin e Këshillit Bashkiak Gazment Paja. Këtu ka konflikt interesi kompania “Start Tech” dhe nëse mbledhja do ishte normale do kishte diskutim. Nga viti 2015-2021 kjo kompani nuk kishte para për të paguar tatimet, ndërsa pas vitit 2021 ka përfituar tendera publik dhe ka marrë investime strategjike në Dhërmi.
Ndërkohë që nga viti 2015-2021 nuk kishte para për të paguar tatimet e veta, si mund të kishte mundësinë financiare të ndërtonte në një vlerë prej 15 milionë euro. Shohim që kemi të bëjmë me një lidhje që është konflikt interesi se brenda Bashksië Tiranë, bashkëshortja e Lulzim Mehmetaj ka pasur një post publik.
Është shumë e vështirë të marrësh informacion të saktë nga ky institucion, edhe për mua që jam anëtare e Këshillit Bashkiak. Kemi të bëjmë me tjetërsim të drejtpërdrejt të pronave publike. Arbjan Mazniku dhe Taulant Tushe kanë pasur rol në dhënien e pronave publike. Emrat e tyre lidhen ngushtë për të bërë të mundur tjetërsimin e këtyre pronave, ata janë njerëz që nga Bashkia Tiranë kanë pasur një rol për të çuar para procedurën, duke i lënë hapësirë fjalës interesi publik duke i dhënë tokë çdo kompanie për të marrë tokë në Tiranë.
Dhe në raste të tjera Bashkia Tiranë u ka dhënë pronë kompanive. Bëhet e mundur ndërtimi se bashkia jep këto parcela që janë pronë e ndërmjetme dhe nëse nuk do ishte dhënia e këtyre pronave, do ishte i pamundur ndërtimi. Kompanitë që kërkojnë këto parcela janë të vetme dhe ka diçka që luhet nën rrogoz dhe ka një favorizim ndaj këtyre kompanive të caktuara.” – tha Ruko.
