Policia e Durrësit ka arrestuar një të ri, i cili kishte përshtatur lokalin që administronte, për përdorim dhe shitje të lëndëve narkotike. Në pranga është vënë dhe një person tjetër, i cili ishte punësuar në mënyrë të paligjshme, si bodyguard dhe ua shiste lëndën narkotike kokainë, klientëve të lokalit.
Autoritetet policore raportojnë se në kuadër të operacionit policor antidrogë të koduar “Repeat” janë vënë në pranga shtetasit Donald Tringa, 27 vjeç dhe Diamant Shkina, 33 vjeç, të dy banues në Durrës.
“27-vjeçari kishte përshtatur lokalin që administronte në lagjen nr. 13, për përdorim dhe shitje të kokainës, ndërsa shtetasi Diamant Shkina, i punësuar në kundërshtim me ligjin, bodyguard në këtë lokal, ua shiste këtë lëndë narkotike, klientëve të lokalit.” – thuhet në njoftimin e Policisë së Durrësi
Materialet procedurale i kaluan Prokurorisë së Durrësit për veprime të mëtejshme.
