Drejtuesi politik i Partisë së Lirisë në Qarkun e Beratit, Lefter Maliqi se si Qeveria po keqpërdor efektivët e Policisë së Shtetit, ndërkohë që janë policët me pagat më të ulëta në rajon dhe Europë.
Në një postim në rrjetet sociale, Maliqi shkruan se policët keqpërdoren për gjobëvënie dhe për dhunë ndaj opozitës, ndërkohë që kryejnë shërbime me orare të tejzgjatura dhe në kushte shumë të vështira pune.
Sipas Maliqit, Policia meriton dyfishim page, uniforma mbrojtëse, mjete, pajisje e kushte shumë më të mira pune, pasi ruajnë jetën dhe pronën, e përballen me krimin.
Ai iu bën thirrje efektivëve që të mbrojnë të drejtat e qytetarëve dhe mos e ulin dinjitetin të bëhen bedel apo të votojnë Rilindjen e krimit që i përbuz.
Postimi:
Policia përdoret si skllevër, me përbuzje nga Rama dhe ‘Narkoshteti!
Policët keqpërdoren për gjobëvënie, për dhunë ndaj opozitës, shërbime të veshura me orare të tejzgjatura, në kushte shumë të vështira, ditën dhe natën, në temperatura ekstreme, në shi dhe dëborë, larg familjes; ndërkohë shefat dhe drejtoruesit e tyre janë kthyer në Miliarderë mililitantë të Rilindjes, me pasuri marramendëse. Policët me pagat më të ulëta në Rajon, Europë dhe botë!
Skandal❗️Rama rrit pagat mbi 40% administratës, kurse “Policisë së Shtetit” as 10%, Prokurorët e Gjyqtarët 2-7 Milion Paga Mujore, Deputetët 4-5 Milion, Ministrat, Kryeministri dhe Presidenti 6-10 Milion plus bonuset, pa llogaritur milionat e Eurove korrupsion; kurse policët me Paga Mujore 400-800 Mijë Lekë të vjetra. E ndërkohë, Rama në fushatë u thoshte hidhni kapelet dhe bëni fushatë për Rilindjen e krimit!
Turp! Skandal‼️ Policia meriton 2 fishim page, uniforma mbrojtëse, mjete, pajisje e kushte shumë më të mira pune, pasi ruajnë jetën dhe pronën, përballen me krimin, japin jetën në detyrë, sakrifikojnë dhe familjet e tyre janë në rrezik etj. Opozita në program duhet të ketë menjëherë 2 fishimin e pagës së tyre! Policia është e depolitizuar me të drejtë të barabartë vote, por jo të bëjnë fushatë!
Thirrja ime është e sinqertë ndaj tyre! Mbroni të drejtat e qytetarëve dhe mos e ulni dinjitetin të bëheni bedel apo të votoni Rilindjen e krimit që ju përbuzë! I ndëshkoni eprorët tuaj të korruptuar e Miliarderë! Mbështesni e votoni ndryshimin me zemër, për të ardhmen e sigurt, për një shtet ligjor dhe jo policor! Për autoritetin dhe dinjitetin tuaj dhe të ardhmen e familjeve tuaja!
