Një aksident automobilistik është regjistruar gjatë natës së kaluar rreth orës 01:10, në aksin rrugor “Pogradec-Tushemisht”.
Autoritetet policore raportojnë se shtetasi A. Ç, duke drejtuar automjetin tip “Renault”, dyshohet se ka humbur kontrollin mbi drejtimin e mjetit duke dalë nga rruga. Si pasojë e aksidentit ka mbetur i plagosur drejtuesi i makinës, i cili është dërguar në spital, për ndihmë mjekësore dhe ndodhet jashtë rezikut për jetën.
Grupi hetimor po punon për sqarimin e rrethanave dhe shkakut të aksidentit.
