Presidenti i Partisë së Lirisë, Ilir Meta, i pyetur nga gazetarët nëse mendon se SPAK duhet të hetojë për punimet në Tunelin e Llogorasë, ka ironizuar ku tha se mbase është një krim më intelektual sesa i grabitjes pa maska tek inceneratori që nuk ekziston në Tiranë
Më tej Meta theksoi se deklarata e ish-zv.kryeministrin për shtimin fiktivisht 50 milionë euro të kontratës së punimeve për këtë tunel, duhet marrë seriozisht.
“Mbase është një krim më intelektual sesa ky i grabitjes pa maska tek inceneratori që nuk ekziston në Tiranë. Ju lutem, mos ia ulni vlerën denoncimit të ish zëvendëskryeministrit Arben Ahmetaj. Ai tha saktësisht “se i njëjti projekt u shtua fiktivisht pas vizitës që u bë në Turqi me 50 milionë euro.
Dhe andej nuk erdhi asnjë makineri dhe asnjë pajisje shtesë, por përkundrazi kompania lokale përsëri bëri punën, por në këtë rast si nënkontraktore. Janë 50 milionë euro, është me zë e figurë. Zoti Ahmetaj mund të gabojë në gjëra të tjera, por tek shifrat nuk gabon”, tha Meta.
