Kreu i Partisë së Lirisë, Ilir Meta, gjatë një konference me gazetarët, është pyetur mbi zgjedhjen e Vangjel Tavos si kryebashkiak i Himarës, i cili dikur ka qenë ish-deputet dhe ish-ministër i tij.
Meta zgjodhi që të mos jap asnjë koment për Tavon, ndërsa sulmoi kryeministrin Edi Rama, për të cilin tha se është duke fshehur akte të rënda të tradhtisë kombëtare.
Kreu i PL-së deklaroi se e kishte paralajmëruar edhe ish-kryebashkiakun e Himarës, i cili sot është në burg, se Rama do ta merrte në qafë.
Meta: Unë i kam dhënë një mesazh dikur kryebashkiakut të Himarës që tani është në burg. I kam thënë bej kujdes, ky të merr në qafë. Këtë mesazh ia kam dhënë të tjerëve që sot po bëjnë burg për Edi Ramën.
Nuk kam asnjë mesazh për të, por për grabitësin e bashkisë së Himarës, për Edi Ramën sigurisht që e kam një mesazh që të gjitha këmbimet dhe shkëmbimet që bënë për të fshehur aktet e rënda të tradhtisë kombëtare e për të bërë konsensus për grabitjen e pronave të himariotëve në jug, Dhërmi e Vuno nuk do të funksionojë.
