I moshuari që humbi jetën si pasojë e dhunës së ushtruar nga shoku i tij i dhomës në një azil në Tiranë është identifikuar si Virxhil Vesho. Ndërsa autori i ngjarjes është Zyhdi Shehu, i moshës 78 vjeç.
Ngjarja ndodhi rreth orës 04:00 të mëngjesit të sotëm në një azil pleqsh privat në zonën e Ali Demit.
Mësohet se dy të moshuarit vuanin nga skreroza.
Raportohet se konflikti mes tyre ka nisur për një krevat.
“Specialistët e Sektorit për Hetimin e Krimeve të Rënda në DVP Tiranë në bashkëpunim me Komisariatin e Policisë Nr. 1, arrestuan në flagrancë shtetasin Z. Sh., 78 vjeç, banues në një azil privat për të moshuarit, për veprën penale “Vrasja me dashje”, parashikuar nga neni 76 i Kodit Penal.
Ky shtetas dyshohet se, sot më datë 08.08.2024, rreth orëve të para të mëngjesit, për motive të dobëta, ka goditur disa herë me anë të një bastuni (shkop hekuri), shokun e tij të dhomës, shtetasin V. V., 82 vjeç, i cili si pasojë e dëmtimeve të marra ka humbur jetën.”- njoftoi policia.
Materialet i kaluan Prokurorisë.
