Ish-presidenti Donald Trump tha se do të debatojë me zëvendëspresidenten Kamala Harris “në një të ardhme shumë të afërt” ndërsa nuk ka përjashtuar mundësinë për një përballje në ABC News.
Kujtojmë se Harris refuzoi debatin për t’u përballur me republikanin në Fox. Trump tha se data e një debati do të shpallet shumë shpejt, pasi do ta diskutojnë. Trump përsëriti kërkesën e tij që Fox News të presë debatin.
Më herët, Trump tha se marrëveshja e tij për të marrë pjesë në debatin e ABC të planifikuar më parë për 10 shtator midis tij dhe Presidentit Joe Biden kishte “përfunduar”, duke përmendur padinë e tij për shpifje kundër rrjetit televiziv.
Trump sulmoi Harrisin duke thënë për Fox & Friends se ka “dëgjuar” se ajo është “një person i keq dhe shumë e dobët në debat”, duke shtuar se ai beson se Harris do të “ekspozohet, ashtu siç u ekspozua Biden” gjatë debatit.
Trump u shpreh se gjëja më e rëndësishme është që ne të debatojmë, duke shtuar se ai do të donte ta shihte Harris në Fox.
