Kamala Harris është një “vajzë budallaqe që nuk ka aftësi për të bërë një debat të vërtetë me mua. Ajo ka frikë ta bëjë këtë. Unë do ta pres atë më 4 shtator ose nuk do ta shoh fare”. Kështu shkroi Donald Trump në rrjetin social “Truth”, duke nënvizuar se është i gatshëm të takohet me Harrisin vetëm në një televizion “miqësor” si Fox News.
Ish-presidenti kishte rënë dakord për një debat në ABC me Joe Biden për 10 shtator dhe pas tërheqjes së këtij të fundit nga gara për Shtëpinë e Bardhë, Harris konfirmoi pjesëmarrjen në të njëjtën mënyrë dhe kohë. Por më pas Trump foli për një marrëveshje për 4 shtatorin për Fox, e cila u mohua nga Harris.
Një sondazh i CBS flet për një garë kokë më kokë midis dy kandidatëve për Shtëpinë e Bardhë. Ndërsa një sondazh i CBS-YouGov thotë se zëvendëspresidentja është përpara Trump me vetëm 1 pikë përqindjeje ku Harris ka 50% të preferencave kundrejt 49% të ish-presidentit. Në shtetet e lëkundur, dy pretendentët janë të barabartë me nga 50%.
Ish-presidenti ka ndryshuar vazhdimisht mendje prej javësh. Më 21 korrik, Trump tha se ishte i gatshëm të mbante debatin e 10 shtatorit, por duke e zhvendosur atë nga ABC-ja “e rreme” në Fox News, rrjetin konservator që është më afër tij. Në ditët në vijim ai përsëriti se ishte “absolutisht” gati për të debatuar me kandidaten demokrate, duke shtuar megjithatë se nuk kishte rënë dakord për asgjë, përveç duelit me Biden.
Më pas në fund të korrikut u shpreh se nuk do të kishte një debat derisa demokratët të emëronin zyrtarisht kandidatin. Duke pasur parasysh kundërshtimin e Trump ndaj ABC-së, Fox kishte vendosur të shfrytëzonte rastin dhe të ftonte Trump dhe Harris në një debat më 17 shtator.
“Donald Trump është i frikësuar dhe po përpiqet të shmangë debatin duke kërkuar strehim te Fox”, – reagoi stafi i Harris, duke iu përgjigjur propozimit për një duel më 4 shtator dhe duke specifikuar se, pavarësisht nga prania e tij, Harris në ABC do të jetë atje më 10 shtator.
Rrjeti në fakt e ka lënë hapësirën në dispozicion dhe zëvendëspresidentja mund ta përdorë atë për të folur drejtpërdrejt me amerikanët. Harris është e vetëdijshme për kohën e pakët në dispozicion për t’u bërë e njohur dhe për t’i bërë amerikanët të vlerësojnë politikat e saj, dhe ajo synon të përdorë çdo mundësi, duke llogaritur gjithashtu angazhimet e saj në prapaskenë, nga ato si zëvendëspresidente deri te ato për krijimin e ekipit të saj.
“Kamala Harris është një vajzë budallaqe që nuk i ka aftësitë për të debatuar me mua. Ajo ka frikë ta bëjë këtë. Unë do ta shoh atë më 4 shtator ose nuk do ta shoh fare”, – u përgjigj Trump në distancë, duke rinisur propozimin për një debat më 4 shtator në Fox. “A e ka vënë re dikush që ajo nuk jep intervista? Kjo është sepse ajo është budallaqe dhe nuk mund të flasë siç duhet pa një teleprompter. Ajo ka një IQ shumë të ulët dhe vendi nuk ka nevojë për dikë që nuk mund të bashkojë dy fjali së bashku” – tha Trump.
