Po konsiderohet jo vetëm si një drogë luksi, e të pasurve, por edhe me efekte anësore të frikshme dhe shqetësuese për përdoruesit, teksa autoritetet njoftuan se po ndjekin rastin.
Quhet “kokaina rozë”, një lloj ekstazie e quajtur “tussi” dhe që po çmend rininë e Napolit, kryesisht studentët, por që një nga pasojat fizike ka edhe agresionin apo eksitimin. Dhe në prapavijë të shpërndarjes, hetuesit italianë dyshojnë se është “Camorra”. Në një prej rasteve denoncuese, viktima ka rrëfyer se pasi konsumoi pilulën në fjalë, kaloi në pavetëdijë dhe më tej e përdhunuan.
Një substancë totalisht sintetike me efekte të fuqishme halucinogjene, që mund të blihet në tableta ose pluhur me çmime shumë të larta, deri në 400 euro për dozë. Pavarësisht kostove, ajo po vendoset me forcë në treg, veçanërisht në mjedise ku konsumatorët nuk kanë asnjë shqetësim të shpenzojnë shuma të konsiderueshme për t’u “lartë”, shkruan “La Repubblica”.
Ajo që e bën edhe më tërheqëse janë ngjyra e pagabueshme dhe aroma e luleshtrydhes që përdoret për ta paketuar. Marrja e saj është ende e komplikuar, por në Chiaia dhe Quartieri Spagnoli kërkesa është në rritje. Dhe nga hetimet e kryera muajt e fundit nga karabinierët e kompanisë Stella, krahas shpërndarjes nga jashtë, shfaqet një rritje graduale e prodhimit.
Laboratori i parë u identifikua në dhjetor në Forcella, në via San Nicola dei Caserti, në një zonë të frekuentuar kryesisht nga studentët e universitetit. Drejtohej nga tre persona, të gjithë pa precedentë penalë dhe për këtë bastisja solli në mendje serialin e famshëm “Breaking Bad”, ku një profesor i qetë i Kimisë kthehet në një trafikant droge, duke sfiduar kartelet mafioze.
Më pak se një muaj më parë, këtë herë në rrugicën e të varfërve San Gennaro në Sanità, gjatë një kontrolli, u gjetën 26 gramë kokainë rozë e shpërndarë në 35 mbështjellëse, së bashku me droga të tjera tradicionale si ketaminë, marihuanë dhe hashash. Më 24 korrik, një tjetër rrethanë: në “Via Aspromonte në Secondigliano”, një tregtar 34-vjeçar, pronar i një fabrike këpucësh, u qëllua në bark.
Policia kontrollon dyqanin dhe bën një zbulim interesant: Gjendet një kilogram ekstazi, material ambalazhi për drogën dhe disa peshore precize. Njëra prej tyre është e njomur me substancë rozë. Prandaj, qarkullimi duket i destinuar të rritet.
Forma pluhur, e përbërë nga një përzierje e ketaminës dhe amfetaminës, së cilës në disa raste i shtohen edhe benzodiazepinat, e quajtur ndryshe edhe “tussì”, mund të veprojë gjithashtu në sistemin nervor qendror dhe shkaktojnë pasoja edhe shumë të rënda. Pilulat, teknikisht 2C-B, kanë efekte të krahasueshme me ato të ekstazisë dhe LSD-së, ndjenjën e të qenit në një eksitim të zgjatur, por që mund të çojë në agresion.
Hetimet tani synojnë të identifikojnë hallkat e ndryshme në zinxhirin që sjell kokainën rozë nga jashtë në zemër të Napolit. Për momentin “Camorra” duket se është në prapavijë, sikur pret të kuptojë se si t’i hyjë biznesit. Dhe droga e re e të pasurve ka filluar të jetë e frikshme.
Historia rrënqethëse: Më dhanë kokainë rozë, pastaj më përdhunuan…
Ndodhi në “San Giovanni a Teduccio”, një mbrëmje vere një vit më parë. Dy sipërmarrës të moshës 42 dhe 35 vjeç ndodhen në një apartament me një mike 39-vjeçare. Ata përpiqen ta bindin atë të ketë një treshe. Ajo refuzon.
“Në atë moment më spërkatën me një pluhur rozë, më gërhitën, madje më bënë ta gëlltiste”, thotë gruaja.
Menjëherë pas kësaj, bie në gjumë dhe pasoja është dramatike, deri tek abuzimi seksual. Por ky episod, i rikonstruktuar nga hetimet e kryera nga prokurorja Mariangela Magariello me zv.prokurorin Raffaello Falcone, tregon edhe një histori tjetër, sepse konfirmon përhapjen e drogës së re të të pasurve në qytet: kokainës rozë.
