9 shqiptarë të një bande janë dënuar në Belgjikë, pasi janë arrestuar duke operuar në plantacione me kanabis. Gjithashtu bëhet me dije se 2.7 milion euro iu janë sekuestruar nga gjykata grupit kriminal.
Mediat belge shkruajnë se dy drejtuesit e grupit me iniciale F. B dhe S. J, morën dënimet më të rënda.
Autori me incialet F. B mori katër vjet burg, një gjobë prej 32 mijë eurosh dhe duhet t’u kthejë palëve civile më shumë se 200 mijë euro.
Autori tjetër me inicialet S. J mori një dënim me pesë vjet burg, një gjobë 40,000 euro dhe gjithashtu duhet të paguajë pothuajse 200,000 euro palëve civile.
Ndërsa i gjithë fitimi u konfiskua, por për shkak se anëtarët e bandës ishin pjesë e një organizate më të madhe, dy figurat kryesore duhet të paguajnë të dy 500 mijë euro.
Shqiptarët e tjerë morën 30 muaj burg dhe 8000 euro gjobë. Plantacionet e ngritura midis tetorit 2020 dhe janarit 2023 ishin të vendosura në dhe rreth Leuven dhe një në zonën e Antwerp.
