Të shtëna me armë zjarri janë regjistruar paraditen e kësaj të mërkure në Kurbin.
Autoritetet policore raportojnë se rreth orës 11:00, shtetasi Gentjan Markaj, 33 vjeç, ka qëlluar me armë zjarri në drejtim të lokalit në pronësi të shtetasit Fatjon Stakaj.
Krimi dyshohet se ka ndodhur për motive të dobëta, teksa pas ngjarjer, i riu sapo ka parë shërbimet e Policisë, është arratisur mes parcelave të mbjella me misër, në drejtim të fshatit Gorre, duke marrë dhe armën e zjarrit me vete.
Policia raporton se janë vënë në ndjekje të tij dhe në ndihmë janë nisur menjëherë Forcat Speciale Renea dhe Njësia Kombëtare e Sigurisë.
Grupi hetimor, në drejtimin e Prokurorisë, vijon hetimet për sqarimin e rrethanave dhe sekuestrimin e provave, me qëllim dokumentimin e plotë ligjor të këtij rasti.
