Një person është gjetur i mbytur ditën e sotme në bregdetin e Rrushkullit, në veri të qytetit të Durrësit.
Viktima është një 51-vjeçar banues në Tiranë. Dyshohet se burri ka pësuar arrest kardiak kur është futur në det për tu larë, dhe si pasojë ka humbur jetën.
Trupi i pajetë është dërguar në morgun e Durrësit për tu bërë procedurat e nevojshme të autopsisë ndërsa grupi hetimor po punon për sqarimin e plotë të ngjarjes.
Njoftimi i policisë:
Rreth orës 16:30, në Rrushkull Durrës, shtetasi Ll. K., 51 vjeç, banues në Tiranë, dyshohet se kur është futur në det për tu larë, ka pësuar arrest kardiak dhe si pasojë ka humbur jetën.
Grupi hetimor vijon punën për sqarimin e plotë të rrethanave dhe shkakut të humbjes së jetës së 51 vjeçarit.
