Kreu i FRPD, Besard Xhaferri, nëpërmjet një reagimi në Facebook, shprehet se pas DASH, edhe Komisioni Evropian ka lëshuar sinjalin SOS për tentativën e qeverisë për kapjen e sistemit gjyqësor dhe kthimit të tij në një mashë në shërbim të mazhorancës së Edi Ramës.
Xhaferri shprehet se Komisioni Evropian dënon ashpër vendimin e Parlamentit që kontrollohet nga Edi Rama për të mos respektuar vendimet e Gjykatës Kushtetuese, që e cilëson si një institucion që duhet të jetë vendimtar në ruajtjen e kontrolleve dhe balancave institucionale
Më tej ai thekson se ky raport është një skaner i qartë për Narkoshtetin e Edi Ramës dhe dëshmia më konkrete se ai është pengmarrësi i integrimit evropian të Shqipërisë.
Reagimi i plotë:
KE lëshon sinjalin SOS për ndërhyrjet e qeverisë në drejtësi dhe korrupsionin!
Pas DASH edhe Komisioni Evropian lëshon sinjalin SOS për tentativën e qeverisë për kapjen e sistemit gjyqësor dhe kthimit të tij në një mashë në shërbim të mazhorancës së Edi Ramës.
Komisioni Europian në raportin “Sundimi i Ligjit 2024”, shpreh qartë shqetësimin për tentativat nga zyrtarët publikë ose politikanë për ndërhyrje dhe presion mbi sistemin gjyqësor, fenomen të cilin kemi vite që e kemi denoncuar.
Komisioni Evropian dënon ashpër vendimin e Parlamentit që kontrollohet nga Edi Rama për të mos respektuar vendimet e Gjykatës Kushtetuese, që e cilëson si një institucion që duhet të jetë vendimtar në ruajtjen e kontrolleve dhe balancave institucionale
KE sheh me shqetësim edhe kufizimin e rolit mbikëqyrës të Parlamentit përmes ligjit për Komisionet Hetimore i projektuar për tu bërë mburojë e korrupsiomit pandemik të qeverisë së Edi Ramës.
KE ka legjitimuar denoncimet dhe akuzat tona se Edi Rama ka asgjësuar çdo institucion në Shqipëri.
Ky raport është një skaner i qartë për Narkoshtetin e Edi Ramës dhe dëshmia më konkrete se ai është pengmarrësi i integrimit evropian të Shqipërisë.
