Anëtari i kryesisë së PD, Belind Këlliçi, në fjalën e tij gjatë protestës së zhvilluar këtë të enjte përpara Bashkisë së Tiranës, tha se ata janë në aty për të denoncuar me fakte e prova të gjitha aferat e Bashkisë.
Teksa e cilëson masën e arrestit në shtëpi të Berishës të paligjshme, ai tha se nëse kjo i ndodh liderit të opozitës në vend, “atëherë çfarë të mendohet për qytetarët e tjerë të vendit, atyre që nuk kanë njohje politike apo mandate”.
Këlliçi ka denoncuar sërish Elton Buallin, që sipas tij është një personazh që komunikonte me bandën e inceneratorëve. Këlliçi tha se Bualli është shfaqur herë si drejtor i inceneratorit të Tiranës dhe herë si drejtor i inceneratorit të Fierit.
Elton Bualli shprehet Belind Këlliçi pasi mori borxh tek inceneratorët gjysmë milionë euro, ngriti një serrë në Sharrë me paratë e fermerëve nga fondet e IPARD.
Po ashtu, Këlliçi akuzoi edhe Arbian Maznikun, që sipas tij “ndërkohë që ishte në Dubai duke ngrënë biftekun 1 mijë euro firmoste shembjen e pallateve në Tiranë”.
“Kemi zbuluar dy personazhe të reja të grupit të strukturuar kriminal të inceneratorit dhe 5D. Ekziston një shtetas që quhet Elton Bualli. Ky individ që është denoncuar me dhjetëra herë, figuronte drejtor i inceratorit të Tiranë dhe drejtor i inceneratorit të Fierit. Personazh kryesor që komunikonte me bandën dhe për interesat e bandës së inceneratorit në Zimbabve. Ky porosiste projekte me vlerë 100 mln euro ne Tunizi. Ky individ pasi mori gjysmë milionë euro borxh nga inceneratori i Tiranës bleu një tokë në landfillin e Sharrës për të ngritur një serrë me paratë e fermerëve nga programi IPARD. Plot 310 mijë euro.
Ne do të bëjmë atë që kërkon gjykata e apelit të posaçëm, se kush është titullari i autoritetet kontraktor në bashkinë Tiranë. Çfarë ndodhi? Ndodhi ajo që të gjithë banorët e dine, që është nënkryetar i bashkisë së Tiranës, Arbian Nusret Mazniku, e cili ndërkohë që ishte në Dubai duke ngrënë biftekun 1 mijë euro firmoste shembjen e pallateve në Tiranë”, tha Këlliçi.
Ndër të tjera Këllici u shpreh se protestat e tyre do të vijojnë, për të gjitha ato që sipas tyre janë afera por edhe për mbajtjen peng të kreut të opozitës, tha Këlliçi.
“Ne nuk do të ndalemi, ne do jemi në sheh do jemi përpara zyrave, përpara SPAK për të denoncuar çdo javë aferat e kësaj Bashkie të pashembullta e të panumërta, përpos temperaturave të larta edhe reagimi ynë do të jetë i lartë.”- tha Këlliçi.
