47-vjeçari Përparim Shkullaku, i cili u plagos me armë zjarri çifte nga babai i tij në fshatin Stropckë të Pogradecit, është dërguar me helikopter drejt spitalit të Traumës në Tiranë.
Fillimisht ai u dërgua në spitalin e Pogradecit, por mjekët kanë vlerësuar se ai do të duhej të dërgohej drejt spitalit të Traumës për mjekim më të specializuar. Mësohet se 47-vjeçari ka marrë plagë në mushkëri prej saçmave të lëshuara nga fisheku i çiftes.
Përparim Shkullaku pasditen e kësaj të mërkure kishte shkuar në gjendje të dehur në shtëpi, duke u konfliktuar me babain e tij, Agim Shkullaku, 83 vjeç, duke e rrahur këtë të fundit. Më pas, babai i tij, Agim Shkullaku e gjuajti me çifte duke e lënë të plagosur.
83-vjeçari Agim Shkullaku është shoqëruar në komisariatin e Policisë pas krimit.
