Opozita ka depozituar këtë të mërkurë në Komisionin Qëndror të Zgjedhjeve kërkesën për të marrë pjesë si koalicion në zgjedhjet e parakohshme lokale të 4 Gushtit në Himarë.
Koalicioni “Bashkë fitojmë” është rijetëzuar sërish, teksa pjesë e tij do të jenë “Partia Demokratike”, “Partia e Lirisë”, “Partia Demokristiane” dhe “Partia Bashkimi për të Drejtat e Njeriut”. Ndërkohë sot është afati i fundit për regjistrimin e koalicioneve.
Kandidati i koalicionit “Bashkë Fitojmë” për zgjedhjet në Himarë do të jetë Petro Gjikuria. Përballë ai do të ketë kandidatin e Partisë Socialiste, Vangjel Tavon.
Zgjedhjet në Himarë u shpallën pas vendimit të formës së prerë të dhënë nga Gjykata e Posaçme e Apelit, e cila dënoi me 2 vite burg Fredi Belerin për krime zgjedhore.
