Kryedemokrati Sali Berisha, në fjalën e tij përpara protestuesve kundër arrestimit politik të tij, ftoi çdo shqiptare e shqiptar, çdo pensioniste e pensiont, ti bashkohet opozitës.
Berisha theksoi se të mirat e Shqipërisë duhet të shndërrohen në të mira për çdo qytetar të këtij vendi dhe jo në parajsë për klanet kriminale të Edi Ramës, trafikantët dhe bandat e drogës, ministrat dhe familjarët e tij të pangopur.
“Ne ftojmë çdo shqiptare e shqiptar, çdo pensioniste e pensiont, të bashkohet me ne.
Pensioni i tyre është poshtërim për ta.
Pensioni i tyre është nënçmim për ta.
Të bashkohen me ne, që ne mund të shlyejmë detyrimet e mëdha që shqiptarët kanë ndaj asaj gjenerate që u shkri dhe sot numëron qindarkat për kafshatën e gojës.
Numëron qindarkat për ilaçet për shëndetin e tij.
Sot qan me lot të ftohta mjerimi sepse qeveritarët vjedhin në një vit 120 përqind shumën totale të pensioneve të tyre.
Të bashkohemi për dyfishimin e rrogave dhe pensioneve në Shqipëri.
Shqipëria me të mirat e saj duhet të gëzojë çdo shqiptar.
Të mirat e Shqipërisë duhet të shndërrohen në të mira për çdo qytetar të këtij vendi dhe jo në parajsë për klanet kriminale të Edi Ramës, trafikantët dhe bandat e drogës, ministrat dhe familjarët e tij të pangopur.
Ndaj dhe le të jetë pra miq motoja e bashkimit tonë, për kauzën tonë të drejtë, motoja e ndryshimit, e qeverisë teknike, e zgjedhjeve të lira.”- deklaron Berisha.
