Mbrëmjen e djeshme në emisionin “Top Story” u diskutua mbi projekt-deklaratën që i kërkon Qeverisë greke të heqë ligjin e luftës që ka me Shqipërinë si dhe mbi marrëdhëniet mes parlamentit.
Gjatë diskutimit pati një përplasje mes kreut të LZHK-së, Dashamir Shehi dhe kreut të PDIU-së, Shpëtim Idrizi. Shehi i kujtoi Idrizit se ndryshe nga ai që gjyshin ia kanë vrarë grekët, gjyshin e tij e kanë vrarë vetë shqiptarët në mes të oborrit.
Idrizi: Njerëzit, shqiptarët që duan që ne të kemi marrëdhënie të mira me me Greqinë, po ju them që janë shqiptarët e Çamërisë. Ne duam që të kemi marrëdhënie të mira, që të kthehemi në shtëpitë tona, prandaj ne marrim iniciativa të tilla që çështje të tilla të zgjidhen. Ne çfarë po bëjmë, po kërkojmë paqe duke hequr ligjin e luftës, ne po kërkojmë të që të ulemi në tavolinë edhe për çështjen e shqiptarëve të Çamërisë.
Shehi: Unë e gjykoj gjakftohtësish. Për shembull gjyshin tënd e kanë vrarë grekët edhe është normal, por gjyshin tim e kanë vrarë shqiptarët në mes të oborrit. Unë Çfarë duhet të bëj?
Idrizi: Kjo është një çështje tjetër.
Shehi: Nuk gjykojmë kështu politikisht pas 80 vitesh, do gjykojmë për gjëra të tjera.
Idrizi: Ne duhet të kemi marrëdhënie të mira, ne kemi qenë promotorë të një akti për përforcimin e marrëdhënieve të dy vendeve tona.
