Prokuroria e Elbasanit ka kërkuar 20 vite burg në total për Erjon Llapushin, i cili vrau në 21 tetor të 2021, një kamerier në Elbasan pas sherrit për një tavolinë.
Llapushi akuzohet për veprën penale të “Vrasjes me dashje”.
Si ndodhi vrasja?
Pas sherrit për një tavolinë, Llapushi kapi nga fyti kamerierin Gazment Kurmaku, e kërcënoi me një thikë, dhe më pas e godit me grusht, dhe kjo ishte fatale për jetën e kamarierit.
Ndërsa bashkëpunëtori i tij, Luan Dulellari nuk bëri asnjë lëvizje për të ndaluar shokun e tij apo për të mbrojtur viktimën, por u arratis.
Gazment Kurmaku, 57-vjeç u vra për arsye banale, për një tavolinë që ishte rezervuar. Ai u vra nga Erjon Llapushi, 33 vjeç, një personazh i skeduar për aktivitet kriminal, dhunë dhe rrezikshmëri të lartë shoqërore. Sherri mes tyre, nisi për një tavolinë të rezervuar, ku mësohet se kryekamarieri i ka bërë me dije Llapushit, se ajo ishte e zënë dhe nuk duhej të ulej aty.
