Nënkryetari i PD-së, Luçiano Boçi, ka komentuar atentatin ndaj ish-presidentit amerikan Donald Trump.
I ftuar në emisionin ‘Open’, Boçi tha se atentati ndaj Trump pothuajse pritej, duke pasur parasysh klimën politike.
Boçi: E majta ekstreme kishte krijuar një marrëdhënie sfiduese me Trump, madje duke bërë çdo përpjekje për ta larguar nga gara si kandidat. Biden, orientoi stafin, që Trump të trajtohej në publik si një i dënuar. U munduan ta përjashtojnë nga gara, kërkuan ta largojnë përmes vendimeve gjyqësore. Tani nuk mund të themi që fajin e kanë demokratët, por nëse ti ndërton një qasje të tillë ndaj një kundërshtari politik, pritet që të ndodhin edhe situata të tilla.
