Me ‘bekimin’ e ministres së infrastrukturës Belinda Balluku çdo ditë nga veriu në jug të Shqipërisë firmat e ndryshme kryejnë punime në rrugë jashtë çdo standardi duke rrezikuar edhe jetën e qytetarëve.
Pas skandalit të djeshëm të shpërthimeve me tritol të masive shkëmborë në mes të ditës në Rrugën e Arbrit, sot në redaksinë e “Boldnews.al” ka mbërritur një tjetër denoncim.
Siç mund ta shihni në fotot më poshtë firma që kryen punimet në Elbasan – Librazhd punon në mënyrë skandaloze pa asnjë kriter apo mbrojtëse duke rrezikuar jetën e qindra udhëtarëve që kalojnë në këtë aks.
Pa asnjë barrierë apo rrjetë eskavatori gërryen malin ndërkohë që makinat shumë pranë saj kalojnë duke rrezikuar të bëhen lajm i kronikës së zezë.
Është absurde pasi këto punime në Elbasan-Librazhd duhet të kryen në një orar të përshtatshëm, (kryesisht gjatë natës), pasi të gjithë e dinë se ky aks është shumë i ngarkuar me një fluks të madh automjetesh.
Punimet në një orar të paradites shkaktojnë trafik të rënduar dhe paralizojnë lëvizjen drejt juglindjes së vendit. Shikoni fotogalirine me poshtë:
Lexo edhe:
Denoncimi/ Rama-Balluku ia “nxinë jetën” shqiptarëve, shpërthime me dinamit në rrugën e Arbrit
