Finalja e Euro 2024 është shumë afër me Spanjën që shihet si favoritja e madhe për të fituar trofeun pasi mposhti Gjermaninë në çerekfinale dhe Francën në gjysmëfinale.
Në të tilla kushte, Anglia e Gareth Southgate finalistja tjetër, do të duhet të jetë taktikisht e përsosur për të mposhtur tri herë fituesit e Kampionatit Europian.
Fillimi i rrugëtimit të tyre në Euro 2024 pati lënë pak vend për sugjerim që Anglia do të avanconte gjatë në këtë turne, por tanimë e gjen veten në finalen e dytë radhazi në Europian.
Fitorja minimale me Serbinë, e pasuar nga dy barazime të zbehta ndaj Danimarkës dhe Sllovenisë, krijuan dhe shumë pasiguri dhe skepticizëm tek opinion sportiv dhe tifozët, që, ndryshe nga turnetë paraardhës, e shihnin kombëtaren e tyre të qëndronte pak në Gjermani.
Por e vërteta është se “Tre Luanët” krijuan rritje në lojë nga ndeshja në ndeshje.
Si mund ta fitojë Anglia kampionatin e parë Europian?
Saka v Cucurella
Spanja pësoi gol kundër Francës kur Jesus Navas hezitoi të ndalë Kylian Mbappe dhe kapiteni i Francës pati kohë të mjaftueshme për të kalibruar krosin e tij për Randal Kolo Muani.
Dani Carvajal me siguri do të kthehet si titullar në finale për ta zëvendësuar atë. Robin La Normand, gjithashtu i pezulluar në gjysmëfinale, do të kthehet si titullar në qendër të mbrojtjes. Në krahun e majtë të mbrojtjes, Marc Cucurella bëri një lojë të mirë kundër Francës, veçanërisht duke pasur parasysh brohoritjet nga turma gjermane vendase sa herë që ai kishte topin.
Anglia do t’i duhet shumë punë t’ia dali kundër krahëve mbrojtës të Spanjës. Gareth Southgate ka deklaruar se ekipi i tij e ka të vështirë të kalojë në mes të fushës dhe kjo ka qenë një karakteristikë e këtij turneu. Shpresa e tyre më e mirë është të ushtrojë presion mbi mbrojtësit e krahut të Spanjës, të cilët të dy kanë zhvilluar një turne fantastik.
Me Bukayo Saka, si mbrojtës anësor, Anglia ka një nga lojtarët më të mirë sulmues të turneut dhe shumë do të varet nëse ai mund ta kalojë Cucurella-n.
Limitimi i aftësive të Rodrit
Më e lehtë e thëne sesa e bërë. Gjenerali i madh i mesfushës së Manchester Cityt dhe Spanjës ka qenë sërish i jashtëzakonshëm në këtë turne. Ai mund të mbajë kontrollin e topit, mund ta fitojë atë, por që gjithashtu shënon gola të rëndësishëm. Rodri do të ketë një ndikim të madh në këtë lojë çfarëdo që Anglia të përpiqet të bëjë.
Do të jetë interesante të shihet se e kujt do të jetë detyra për të markuar Rodrin. Nuk ka asnjë mënyrë për ndalur plotësisht ndikimin e Rodrit, por pyetja do të jetë nëse Anglia mund të limitojë lojën e tij.
Ndalja e Yamal dhe Williams
Përsëri, nuk ka gjasa që Anglia t’i mbajë të heshtur për të gjithë ndeshjen. Të dy anësorët e Spanjës kanë luajtur me liri të madhe këtë turne dhe Lamine Yamal ka treguar se sa i rrezikshëm mund të jetë nëse lejohet të kalojë brenda me këmbën e majtë nga ana e djathtë.
Kjo do të jetë puna për mbrojtësit e krahut dhe gjithashtu e qendërmbrojtësit John Stones. Kyle Walker dhe Marc Guehi janë të dy shumë të shpejtë por përsëri nuk mund të fitojnë çdo duel me këtë çift, por duhet të fitojnë më shumë sesa të humbasin.
Duke luajtur pa top
Spanja ka mesatarisht më shumë se 57 për qind të posedimit të topit në gjashtë fitoret e saj deri më tani në Euro 2024. Anglisë gjithashtu pëlqen ta mbajë topin, para gjysmëfinales ajo kishte mesatarisht 58.6 për qind të zotërimit të topit.
Southgate do të duhet të përgatisë ekipin e tij që të jetë i durueshëm pa topin dhe të zgjedhë momentet e tyre për të presuar dhe për ta fituar përsëri. Anglia ka shumë lojtarë të mirë që mund t’i shkaktojnë probleme Spanjës. Spanja, megjithatë, ka treguar besimin për të arritur atë avantazh.
