Ditën e sotme u publikua lajmi se një pjesë e demokratëve në grupin e Lulzim Bashës do të krijojnë partinë e re që do e quajnë “Iniciativa e Demokratëve Euroatlantik” ose shkurtimisht “IDE”, të cilët do e shpallin brenda kësaj jave.
Pjesë e kësaj partie pritet të jenë emra si Enkelejd Alibeaj, Fatbardh Kadilli, Edvin Kulluri, Roland Bejko, Rezart Kthupi, Agron Kapllanaj dhe Gjergj Hani, teksa nuk do të drejtohet me kryetar, por përkohësisht do të jetë me drejtim kolegjialiteti. Por, Lulzim Basha do të mbetet momentalisht jashtë kësaj partie, pasi do të vijojë betejën ligjore duke pritur rekursin në Gjykatën e Lartë për vulën e PD-së.
Por, pas publikimit të lajmit, grupi i Bashës reagoi përmes një komunikate në rrjetet sociale, duke mohuar krijimin e një partie të re, por theksonte se do të merrnin pjesë në zgjedhjet parlamentare të vitit 2025, pa e thënë konkretisht se si.
Gjithsesi, lajmi i krijimit të partisë “Iniciativa e Demokratëve Euroatlantik” është i vërtetë dhe këtë e ka konfirmuar Edvin Kulluri, i cili sulmon Bashën duke konfirmuar kështu edhe përplasjet mes tyre në grupin e “euro-atlantikëve”.
Kulluri shkruan se trekëndëshi i Bermudës u bë katërkëndësh, duke shtuar më tej se Basha dhe Berisha janë bashkë dhe bëjnë si të ndarë nga halli. Ai e konsideron si lojë të Bashës rekursin në Gjykatën e Lartë për vulën e PD-së.
Edvin Kulluri në PD-në e Bashës deri në vendimin e Gjykatës së Apelit më 11 Qershor, mban postin e sekretarit për Marrëdhëniet me Publikun.
Reagimi i plotë:
Ja pra! Ndaj duhet te krijohet nje parti e djathte sepse loja mund te shitet ne cdo moment! Ti hedhesh njetezit 3 vjet ne beteje per ti shitur tek rivali, te pakten dilet dhe thuhet si burrat! Po, jemi bashke po na e do halli te bejme si te ndare!
Jo po rekursi, jo po Daci, jo po Trekendeshi i Bermudeve qe eshte Katerkendesh ku njeri nga kendet ben si kend por eshte kollone per njerin kend!
Hallet e ketyre nuk jane hallet e demokrateve qe duan perfaqesim politik dhe jo perfaqesim ligjor per Klubin Partizani etj..
Dhe kujdes o “udheheqesa” qe do beni paqe nen hijen e Rames! Amanet te ruani solidaritetin per 21 janarin ne SPAK se helbete jeni dhe burra te fjales!
“IDE”/ Basha i “vjedh” emrin e lëvizjes politike Kadillit, por vetë do qëndrojë jashtë partisë
