Policia ka arrestuar një 54-vjeçar në Divjakë, pasi së bashku me djalin e tij kanë plagosur me thikë një 23-vjeçar me thikë.
Po ashtu 27-vjeçari është shpallur në kërkim, ndërsa konflikti ka ndodhur për motive të dobëta.
Gjithashtu bëhet me dije se i plagosuri ndodhet në spital, në kujdesin e mjekëve.
Njoftimi i policisë:
Në bashkëpunim me djalin e tij, plagosi me mjet prerës (thikë), një 23-vjeçar, për motive të dobëta, kapet dhe vihet në pranga 54-vjeçari.
Vijon puna për kapjen e djalit të tij.
Komisariati i Policisë Divjakë arrestoi shtetasin M. M., 54 vjeç, banues në Divjakë dhe shpalli në kërkim djalin e tij, shtetasin L. M., 27 vjeç, pasi dyshohet se mbrëmjen e datës 03.07.2024, në fshatin Çermë-Shkumbin, kanë goditur me mjet prerës (thikë), për motive të dobëta, shtetasin A. M., 23 vjeç, i cili ndodhet në spital, në kujdesin e mjekëve.
Materialet procedurale i kaluan Prokurorisë, për veprime të mëtejshme.
