Emmanuel Egbo rikthehet në Superiore. Tekniku nigerian është zyrtarizuar si timonieri i Bylisit për sezonin e ardhshëm.
Skuadra ballshiote siguroi rikthimin në elitën e futbollit shqiptar dhe në pankinë do të ketë një emër të njohur dhe një “ish”.
50-vjeçari e njeh mjaft mirë Bylisin, pasi portën e këtij ekipi e ka mbrojtur për 4 sezone (2008-2012), por jo vetëm.
Egbo ka punuar edhe si trajner i parë në Ballsh (gusht 2013-maj 2014). Por edhe si ndihmës trajner dhe trajner portierësh.
Egbo drejtoi Prishtinën në Kosovë nga tetori i vitit të kaluar deri në 2 qershorin e këtij viti.
Me bardhekaltrit arriti të fitonte Superkupën e Kosovës, ndërkohë që me Tiranën në Superiore fitoi titullin kampion në 2020.
